• Басты
  • «Астана» өңірлік қолбасшылығында сержанттар құрамын даярлаудың үш апталық курсы басталды
7 Желтоқсан, 2015 08:56

«Астана» өңірлік қолбасшылығында сержанттар құрамын даярлаудың үш апталық курсы басталды

«Астана» өңірлік қолбасшылығына қарасты 31775 әскери бөлімінде сержанттар құрамын даярлаудың үш апталық курсы басталды.
«Астана» өңірлік қолбасшылығында  сержанттар құрамын даярлаудың үш апталық курсы басталды

Қорғаныс министрлігінен хабарлағандай, тактика және оқу-жауынгерлік оқ атулар,  дене және саптық дағды, топография, инженерлік және  техникалық даярлық іспетті әскери істің негізгі пәндері бойынша қысқы полигон жағдайында теория және іс жүзінде оқып-үйренушілер білімдерін пысықтауы тиіс.

«Оқыту үдерісінде және курс аяқталғаннан кейін емтихан кезінде сержанттар пәндер бойынша машықтарын растап қана қоймай, дайындықтың анағұрлым жоғары деңгейіне шығуы қажет.  Жоғары ұпай жинаған ең кәсіби әскери қызметшілер сертификатқа ие болады», - делінген хабарламада.  

«Астана» өңірлік қолбасшылығында айтқандай, сержанттар үшін сертификат алу дайындықтың маңызды элементі болып табылады. Курста әрбір әскери қызметші білімі мен дағдысын арттырады, өзінің теориялық және практикалық дайындығындағы «осал тұстарын» жетілдіреді.  Кәсіби тұрғыда өсумен қатар дарынды, үлгілі әскери қызметшілерге мансаптық сатыда жоғарлау үшін жаңа мүмкіндіктер ашылады.  Бұл әскери мансапты жалғастыру және әскерлердің жалпы жауынгерлік қабілеттілігін нығайту үшін аса маңызды.

Айта кетейік бұл курс жылына бір рет өткізіледі. Бұл Қарулы Күштердің жаңғыруы мен әрі қарай толыққанды дамуына дәнекер болатын сержанттар құрамының деңгейін сапалы арттыру және армияның қуатты кәсіби негізін құруда батымды тәсілдердің бірі болып табылады. 

Барлық жаңалықтар