Жыл басынан бері Астанада жастардың 3 мыңға жуығы жұмысқа орналастырылды
7 Желтоқсан, 2015 08:37
Астанада жыл басынан бері 29 жасқа дейінгі 6420 қала тұрғыны жұмысқа орналасуға көмектесу туралы өтініш берді. Соның ішінде 589 адам жастар практикасына 38-і әлеуметтік жұмыс орындарына жіберілді, деп хабарлады елорда әкімдігінің ресми сайты.
Сонымен қатар 2850 адам төленетін қоғамдық жұмыстарға кірісті, ал 204-і кәсіптік оқуға қабылданды. «Елордада жастар үшін өткізілетін маңызды шаралардың бірі бос орындар жәрмеңкесі болып табылады. Шара барысында жұмыс берушілер келушілерге бос жұмыс орындарын ұсынады. Астанада жыл басынан бері 13 бос орындар жәрмеңкесі өткізілді», - делінген хабарламада.
Бұдан басқа, жастарға «Жұмыспен қамту-2020» бағдарламасына қатысуда көмек көрсетіледі. Үстіміздегі жылы бағдарламаға қатысуға 1902 өтінім берілді.
Жыл сайын Астанада жұмысқа орналастыру мәселесін одан әрі қарау мақсатында ЖОО-лар мен колледждердң түлектерінің арасында, сондай-ақ, қажетті мамандықтарды анықтау үшін мектеп оқушыларының арасында сауалнама жүргізіледі.
