Ақмола облысында құны 39,2 млрд теңге болатын құс фабрикасы салынуда
5 Желтоқсан, 2015 13:05
Ақмола облысы Бұланды аданында құс фабрикасының құрылысы жүргізілуде. Жоба құны 39,2 млрд теңге, ал жылдық қуаттылығы 60 мың тонна бройлер өндіруге жетеді. Фабрика іске қосылса тұрақты 1000 жұмыс орны ашылады, деп хабарлады «Ақмола Медиа Орталығы».
Айта өтейік, бүгінде жоба құрылысына 60 адам мен 31 техника тартылған. Сондай-ақ, «Макинка құс фабрикасы» жобасы бойынша ЖСҚ мемлекеттік сараптаманың қарауында. Жоба алды және жобалық жұмыстар үшін 2 млн теңгеге жуық қаражат жұмсалды. Ал, бюджетке түсім 1 млрд теңгені құрайды деп күтілуде.
«Нысанның құрылысы бойынша жер теліміне қатысты барлық жұмыстар аяқталды. Зауыттың іргетасын қалау жұмыстары жүруде және уақытша автомобиль жолы төселуде», - делінген хабарламада.
