Астанада Әйелдер істері бойынша ұлттық комиссияның отырысы өтуде

«Ұлттық комиссия отырысы ҚР Президенті Н.Назарбаевтың «Қазақстан жаңа жаһандық ахуалда: өсім, реформалар, даму» Қазақстан халқына жолдауы жариялағаннан кейін өтіп отыр. Көптеген елдерде жағдай тұрақсыз болып жатқан кезде заманауи әдіс тәсілдерді жасақтау керек. Жаһандық өзгерістер мемлекеттен шаралар қабылдауды талап етеді», - деді Г.Әбдіхалықова отырыстың ашылу барысында.

Оның айтуынша, Ұлттық комиссияның күнтәртібінде төрт мәселе қаралуда. Бірінші мәселе қазақстандық жолдың қоғамдық-ұлттық құндылықтарын насихаттау, екіншіден – гендерлік талдаудың жүру барысын туралы. Үшіншіден, 2016 жылға арналған ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның жұмыс жоспары. Сонымен қатар, отырыс барысында сараптамалық кеңестің қағидасын бағалау жоспарлауда.

Келелі кеңеске комиссияның 16 мүшесі қатысуда. Отырыстың қорытындысы бойынша Г.Әбдіхалықова мемлекеттік органдарға нақты тапсырмалар беретін болады.