Күзгі әскер қатарына шақыру науқаны бойынша Қорғаныс істері жөніндегі Алматы департаменті 600 адамды әскерге жөнелтеді

7 Қараша, 2013 09:28

Кеше, 6 қазан Алматыда әскери қызметке шақырылушы жастарды салтанатты шығарып салу рәсімі болып өтті. «Әскер қатарына шақырылушы күні» әскери-партиоттық іс-шарасын Алматы қаласының Қорғаныс істері жөніндегі департаменті қала әкімдігімен бірлесіп ұйымдастырған болатын, деп Қорғаныс министрлігінің баспасөз қызметі хабарлады.

«Акция аясында осы күні ҚР Қарулы Күштерінің қатарында мерзімді әскери қызмет атқару үшін 35 жас жігіт жіберілді. Барлығы осы күзгі әскер қатарына шақыру науқанында қала Қорғаныс істері жөніндегі департаменті 600 адамға жуық адамды әскерлерге жөнелтеді», - деп хабарламада нақтыланған.

Аталған іс-шараға Ұлы Отан соғысының, Қарулы Күштердің ардагерлері, ауған соғысының ардагерлері, әскер қатарына шақырылушы жастардың туған-туыстары, әскер қатарына шақырылу жасына дейінгі жастар, қала тұрғындары қатысты.

Сондай-ақ 28 панфиловшылар саябағында өткен іс-шарада әскери қызметшілер мен эстрада жұлдыздары өнер көрсетті.

Ұйымдастырушылардың айтуынша мұндай іс-шаралар әскери-патриоттық тәрбие мәселесін жандандыруға ықпал етіп, әскери қызметтің беделін арттырады, сондай-ақ жастардың Отан қорғауға дайындығын қалыптастырады.

Барлық жаңалықтар