Израильдің СІМ-інде қазақстандық-израильдік ынтымақтастықтың болашағы талқыланды

4 Желтоқсан, 2015 15:36

Қазақстанның елшісі Дулат Қуанышев Израиль СІМ бас директоры, елші Дори Голдпен кездесті, деп хабарлады ҚР СІМ.

Кездесу барысында тараптар қазақстандық-израильдік ынтымақтастықтың бүгіні мен болашағын, сонымен қатар көпжақты институттардың қарым-қатынасын және халықаралық күнтәртібін талқылады.

Д. Қуанышев қарсы тарапты Қазақстан халқы Ассамблеясының қызметімен таныстырды. Бұдан басқа, ол ҚР Президенті Н.Назарбаевтың жылсайынғы халыққа Жолдауында көрсетілген тезистерден хабардар етті.

Сондай-ақ тараптар ЭКСПО-2017 халықаралық мамандандырылған көрмені өткізуге дайындық барысы туралы өзара әңгімелесті.
Д. Голд атап өткендей, Израильдің көрмеге қатысуы қазақстандық-израильдік ынтымақтастық үшін жаңа мүмкіндіктер ашады.

Бұдан басқа, Қазақстанның ДСҰ-ға енуі және Еуразиялық экономикалық одақтың құрылуы израильдік бизнесмендер үшін ЕАЭО нарығында үлкен мүмкіндіктердің бетін ашады.

Барлық жаңалықтар