Б.Сағынтаев: Өңдеу өнеркәсібі тауарларының экспортын жылына 30 млрд долларға жеткізу қажет
4 Желтоқсан, 2015 11:39
Өңдеу өнеркәсібі тауарларының экспортын жылына 30 млрд долларға жеткізу қажет, деді Премьер-Министрдің бірінші орынбасары Бақытжан Сағынтаев «Ұлы Дала Елі» тауар өндірушілер форумында.
«Президенттің жыл сайынғы Жолдауында біздің жұмыстың бағыты мен реформалары нақты анықталды. Жақын арадағы 10 жылда экономиканың жыл сайынғы өсімін 5 пайызға қамту қажет. Біз өңдеу өнеркәсібі тауарларының экспортын екі есеге ұлғайтуымыз қажет», - деді Б.Сағынтаев.
Ол атап өткендей, экономикаға құйылған жыл сайынғы инвестиция көлемі 10 млрд долларды құрады, 10 жыл ішінде инвестиция көлемі 100 млрд долларды құрады.
«660 мың жұмыс орнын құрып, еңбек өнімділігін екі есе арттыру қажет. Бұл мақсат Үкімет пен бизнес жағынан да үлкен жұмысты талап етеді», - деді ол.
Б.Сағынтаев атап өткендей, «Бизнестің жол картасы-2020» аясында 104 млрд теңгеге 6 мың жоба субсидияланды. 900 кәсіпкер 2,2 млрд теңгенің грантына ие болды.
Ботагөз Айтжанова
