Мәжіліс ТүркПА аясында терроризмге қарсы күресу үшін дөңгелек үстел өткізуді ұсынды

4 Желтоқсан, 2015 11:28

Түркітілдес елдер Парламенттік Ассамблеясы VI пленарлық отырысында арнайы баяндама жасаған ТүркПА Іс басындағы төрағасы, Парламент Мәжілісінің төрағасы Қабиболла Жақыпов аталған xалықаралық ұйымды терроризм мен экстремизмге қарсы күресу мақсатында дөңгелек үстел ұйымдастыру қажеттігін айтты.

«Бүгінгі таңда терроризм мен радикалды экстремизмге қатысты жағдайлар мен күнделікті өмірде орын алып жатқан түрлі жағдайлар әлемді үрей құшағында қалдырып отыр. Біз бұл мәселеде ТүркПА-ның үнсіз қалғанын қаламаймыз. Сондықтан да бейбітшілік пен татулықты ұран ете отырып, ТүркПА экстремизм мен терроризмге қарсы күресте арнайы дөңгелек үстел ұйымдастыруға шақырамын. Бұл жиынға аталған ұйым аясындағы елдердің діни қайраткерлері, xалықаралық сарапшылар мен парламент мүшелері қатысуы қажет», - деді Қабиболла Қабенұлы.

Айта кетейік, Мемлекет басшысы Нұрсұлтан Назарбаев ағымдағы жылдың қыркүйек айында Біріккен Ұлттар Ұйымының Бас Ассамблеясы барысында БҰҰ аясында xалықарлық терроризм мен экстремизмге қарсы іс-қимылдың жаһандық желісін құру туралы идея уақыт өткен сайын өзекті болып жатқандығын атап өткен еді.

Барлық жаңалықтар