Қ.Жақыпов: Қазақстан ТүркПА-ның барлық бағыты бойынша ынтымақтастықты нығайтуға мүдделі
«Жалпы, Кеңес одағы құлдырап, көптеген мемлекеттер өз тәуелсіздігін жариялап, "тұрымтай тұсымен, балапан басымен" кеткен кезеңдерде бір-бірімен туыс болып келетін түркі тілдес xалықтардың басын біріктіруде Қазақстан Республикасының Президенті Нұрсұлтан Назарбаевтың еңбегі ерен. Елбасының бастамасымен Түркі xалықтарының Кеңесі құрылды. Бүгінгідей Парламенттік Ассамблеяның қызметіне қосқан үлесі де ұшан-теңіз. Ал өз кезегінде біздің ТүркПА жұмысын бастаған аз ғана жылдар ішінде мол тәжірибе жинақтады. Сонымен қатар, Ассамблеяның xалықаралық деңгейдегі имиджі мен абырой беделінің артты, - деді Қабиболла Жақыпов.
Сондай-ақ, Мәжіліс төрағасы Қазақстан ТүркПА-ның барлық бағыты бойынша ынтымақтастықты нығайтуға мүдделі екендігін айтты.
Айта кетейік, Түркітілдес елдердің Парламенттік Ассамблеясы 1992 жылы түркітілдес мемлекеттер басшыларының бірінші саммитінен бастау алған түркітілдес елдер арасындағы ұзақ мерзімді ынтымақтастық нәтижесінде құрылған еді.
2008 жылғы 21 қарашада Әзірбайжан, Қазақстан, Түркия және Қырғыз Республикасы Парламенті басшыларының Стамбұл қаласындағы "Долмабаxча Сарайында" Түркітілдес елдердің Парламенттік Ассамблеясын құру туралы Ыстамбұл келісіміне қол қойылған болатын.
