Тұтынушылардың мүддесін қорғауға арналған жаңа модель әзірленді – ҰЭМ

4 Желтоқсан, 2015 10:54

Бүгін Астанада ҚР ҰЭМ Табиғи монополияларды реттеу және бәсекелестікті қорғау комитетінің төрағасы Серік Жұманғариннің қатысуымен «Тарифтік саясат және әлеуметтік маңызы бар тауарлар бағасының негізсіз өсуіне жол бермеу» тақырыбында баспасөз мәжілісі өтті. Өз сөзінде ол тұтынушылардың мүддесін қорғауға арналған жаңа модель жасалғанын мәлімдеді.

«Біз осы жылдан бастап әлемдік практикаға сүйеніп, жаңа тарифтік саясатты бастаған едік. Біріншіден, тұтынушылардың мүддесін қорғауға арналған жаңа модель жасап шықтық. Бұл модельдің ерекшелігі – тариф халықтың жағдайына қарап бекітілетін болады. Нақты айтсақ, коммуналдық қызметтерге жалпы төлемнің квитанциясы тұтынушыға түсінікті және қалтасына салмақ түспейтіндей болуы керек. Осыған байланысты біз ұзақ мерзімді тарифке көшуді дұрыс деп таптық. Мәселен, модельге алаңы 44 шаршы метр болатын және қызметтерді тұтынудың стандартты параметрлері бар пәтерлер алынды. Яғни, осы модель бойынша пәтердің орташа чегі бір пәтер үшін 8,200 теңге болса, 2019 жылдың соңына дейін 14,700 теңгеге дейін ғана өседі», - деді комитет төрағасы.

Оның айтуынша, тарифтерге модель бойынша 5 жылға алдын ала болжам жасалады. Бұл қолдауды қажет ететін халықтың әлсіз топтарының санын есептеп, соған лайық қызмет көрсетуге мүмкіндік береді деді ол.

Барлық жаңалықтар