Степногорск әкімдігі мен Көкшетау мемлекеттік университеті іскерлік меморандумға қол қойды

4 Желтоқсан, 2015 17:58

Степногор қалалық әкімдігінде Ш.Уәлиханов атындағы КМУ және Степногор қ. әкімдігі арасында Іскери ынтымақтастық жөнінде меморандум бекітілді, деп хабарлады "Ақмола медиа орталығы".

Сонымен қатар үш ірі өнеркәсіп орны: «ЕПК-Степногорск» (Степногор мойынтірек зауыты) ЖШС, «Степногор тау-кен химия комбинаты» ЖШС және «БК «ККЗ «Казатомөнеркәсіп» ЖШС арасында Өзара түсіністік пен стратегиялық ынтымақтастық жөніндегі меморандумдарға қол қойылды.

Сондай-ақ, осы күні қалалық «Мирас» мәдениет үйінде Ш.Уәлиханов атындағы КМУ-дың үгіт бригадасы Степногор қ. білім бөлімінің қолдау көрсетуімен 11 сынып оқушылары және колледж түлектерімен кәсіптік бағдар беру мақсатында кездесу өткізді. Тәрбие ісі жөніндегі проректор А.А.Сейітқасымов, техника және технологиялар факультетінің деканы Х.Қ.Әбәсләмов, университет оқытушылары қатысқан іс-шарада студенттердің дайындаған концерттік бағдарламасы көпшіліктің назарына ұсынылды.

Бұл меморандумдар тараптардың білікті кадрларды даярлау және қайта даярлау, ЖОО-ның өңірге қажетті мамандықтарды ашу, жастарды оқыту, мектеп түлектері арасында кәсіптік бағдар беру саласындағы екіжақты ынтымақтастығын нығайтуға, жүйелеуге бағытталған.

Барлық жаңалықтар