Е.Ыдырысов Астана декларациясын одан ары жүзеге асыруды жалғастыру жұмыстарының маңыздылығын атап өтті (ФОТО)

4 Желтоқсан, 2015 10:58

2015 жылдың 3 желтоқсанда Белградта Еуропада қауіпсіздік пен ынтымақтастық ұйымына мүше мемлекеттердің сыртқы істер министрлер кеңесінің (ЕҚЫҰ СІМК) кезекті 22-ші отырысы басталды, онда 2015 жылы Сербияның төрағалығымен ұйымның жұмысы қорытындыланды және күнтәртібіндегі маңызды мәселелер талқылануда.

Қазақстан тарапынан делегацияны ҚР сыртқы істер министрі Ерлан Ыдырысов бастап барды, деп хабарлады ведомстводан.

Келелі кеңесте өткен жыл жаңалыққа толы болғаны аталып өтті, олардың қатарында Хельсинг қорытынды актісіне қол қойылғанына 40-жыл толуы бар. Ол ЕҚЫҰ-ның негізін қалады. Сонымен қатар Астана декларациясының қабылданғанына 5 жыл толды.

«СІМК пленарлы отырысында Е.Ыдырысов қауіпсіздік пен ынтымақтастықты нығайту ұйым жұмысының басымдығы болуы тиіс екенін атап өтті. Осындай жағдайда Астана декларациясының қағидаларын одан ары жүзеге асыру өте маңызды екенін баса айтты», - делінген хабарламада.

ЕҚЫҰ СІМК пренарлы отырысының қарсаңында Е.Ыдырысов ҰҚКҰ мүше мемлекеттердің сыртқы саясат ведомстволары басшыларының дәстүрлі кездесуіне қатысты, оның аясында қатысушылар Ұйымның күнтәртібіндегі маңызды мәселелерді талқылады.

Жалпы, кездесу аясында Е. Ыдырысов РФ сыртқы істер министрі Сергей Лавровпен кездесіп, екіжақты ынтымақтастықтың мәселелерін тақылады.