Ш.Карнаух:Қазақстан- бейбітшілік пен келісімнің тұғырнамасы
4 Желтоқсан, 2015 10:07
Қазақстан Президенті бейбітшілікке, барлық мәселелерді бейбіт жолмен шешуге ұмтылады. Елбасы барлық мәселеде бейбіт жол мен келісімді іздейді, деді Strategy2050.kz АА берген сұхбатында Астана бас раввині Шмуэль Карнаух.
«Біз Елбасының бейбітшілік пен келісімге деген ұмтылысын көріп отырмыз. Қазақстан бейбітшілік пен келісімнің тұғырнамасы болып есептеледі. Мен кезекті мәрте бұл елге ризашылығымды білдіремін, себебі Елбасы әркез тек бейбіт жолдарды іздейді», - деді Ш.Карнаух.
Айта кетейік, Мемлекет басшысы 30 қарашада жыл сайынғы Жолдауын жариялады. Ол сол кезде Қазақстан ширек ғасырда егеменді ұлттық экономикасы бар, әлемдік ұлттар отбасының толыққанды мүшесіне айналғандығын айтты.
«Біз бірге бірқатар күрделі кезеңнен өттік. Біз бұрынсоңды ел тарихында болмаған экономикалық өсімге қол жеткіздік. Біздің халық осы дәрежеде ешқашан өмір сүрмеген. Аз жұмыс істелмеді», - деді Елбасы.
Ботагөз Айтжанова
