Сенат депутаттары «Қазпошта» АҚ-ның жұмысымен танысты (ФОТО)
3 Желтоқсан, 2015 17:03
«Өңір» депутаттық тобының мүшелері көшпелі отырыс барысында «Қазпошта» АҚ-ның жұмысымен танысты. Ахуалдық орталықта болған кезде «Қазпошта» тұтынушыларымен жұмыстар, аймақтарды дамыту жөніндегі заңнаманың жағдайы, ауылдық жерлерде пошта қызметін көрсетудегі өзекті мәселелер мен келешегі туралы кәсіпорын басшылығымен әңгіме өрістеді, деп хабарлады Сенаттың баспасөз қызметі.
Сондай-ақ алдағы уақытта Парламенттегі заң шығару ісінде пысықтауға түсетін «Пошта туралы» заң жобасының ережелері де талқыланды. Парламент Сенатының «Өңір» депутаттық тобы аймақтарды дамытуға жәрдемдесу мақсатында өз өкілеттігін бірлесе іске асыру үшін құрылған ерікті депутаттық бірлестік болып табылады.
Депутаттық топ қызметінің негізгі бағыттары аймақтарды дамыту мәселелері жөніндегі заңнаманы жетілдіру бойынша ұсыныстар әзірлеу, елімізді және өңірлерді әлеуметтік-экономикалық дамыту саласындағы мемлекеттік саясат туралы халықты хабардар ету, мәслихат депутаттарымен өзара іс-қимылды жүзеге асыру болып табылады.
