3 Желтоқсан, 2015 13:38

Назарбаев Университеті мен «Астана ЭКСПО-2017» Парижде «Болашақ энергеиясы-2015» халықаралық форумын өткізеді

Назарбаев Университеті мен «Астана ЭКСПО-2017» Парижде «Болашақ энергеиясы-2015» халықаралық форумын өткізеді, деді Назарбаев Университеттің президенті Шигео Катсу «Болашақ Энергиясы» 2015 Форумы – «Климаттың өзгеруіне қарсы күрес және болашақ энергиясы» атты ОКҚ брифингінде.

«2015 жылғы 9 желтоқсанда Париждегі ЮНЕКСО-ның штаб-пәтерінде Назарбаев Университеті және «Астана ЭКСПО-2017» Ұлттық компаниясының ұйымдастыруымен «Климаттың өзгеруіне қарсы күрес және болашақ энергиясы» тақырыбына арналған «Болашақ Энергиясы» 2015 Халықаралық Форумы өтеді. Форум энергетика және орнықты даму саласындағы әлемдік озық тәжірибелерді кеңінен пайдалануды, «таза» энергия көздерін дамыту саласындағы ғылыми-техникалық жетістіктерді ынталандыруды көздейді», - деді Ш.Катсу.

«Болашақ Энергиясы» Форумы – ЭКСПО-2017 көрмесінің ең айтулы оқиғаларының бірі болады. Көрме және Форум шеңберінде қазіргі заманғы энергетика саласының стратегиялық даму басымдықтары айқындалып, энергетиканың және тұрақты дамудың жаңа ғаламдық моделі жан-жақты талқыланады.

«Форумға қатысушылар – саяси және мемлекет қайраткерлері, үкіметтік құрылымдардың, халықаралық ұйымдардың, индустрия мен ғылыми орта өкілдері – өз пікірлерін ортаға салып, заманауи энергия көздеріне қол жетімділікті, энергия тиімділігін, энергетикалық қауіпсіздік пен орнықты дамуды қамтамасыз ету мәселелері бойынша өз ойларымен бөліседі. Қатысушыларға энергияға қол жетімділікті, жаңартылатын энергия көздерін кеңінен пайдалануды және энергиялық тиімді өмір салтын қалыптастыруды қамтамасыз етуге бағытталған бағдарламалық құжаттар, стратегиялар, тұжырымдамалар мен технологиялар таныстырылатын болады», - деді ол.

Іс-шара Климаттың өзгеруі жөніндегі БҰҰ негізгі конвенциясы тараптарының 21-ші конференциясы (СОР21) өтетін кезеңде ұйымдастырылады. Ол 30 қарашада өз жұмысын бастады және 11 желтоқсанға дейін жалғасады. Климаттың өзгеруі мәселесіне арналған ең үлкен пікірталас алаңдарының бірі болып табылатын COP21 конференциясына 195 елден 40 мыңнан астам өкіл қатысуда. Аталған конференцияда жер-жаһанда температураның 2°C-тан асуына жол бермеу жөнінде міндеттеме алуды көздейтін жаңа халықаралық келісімге қол қою көзделуде.

Ботагөз Айтжанова

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды