• Басты
  • Астанада Түркі тілді мемлекеттері парламенттік ассамблеясының халықаралық конференциясы өтті

Астанада Түркі тілді мемлекеттері парламенттік ассамблеясының халықаралық конференциясы өтті

3 Желтоқсан, 2015 12:06
Астанада Бейбітшілік және келісім сарайында «Ұлы даладағы мемлекеттілік және парламентаризм» атты xалықаралық конференция өтіп жатыр.

«Бүгінгі күні мемлекетіміз нығайып, серпінді түрде дамып келе жатыр. Бар мақсатмыз жарқын болашаққа бағытталған. Біздің еліміз xалықаралық қауымдастықтың беделді әрі дамыған мүшесі. ҚР Президенті Н.Ә.Назарбаевтың бейбітшілік пен тұрақтылықты нығайту жолындағы xалықаралық бастамалары жалпы жұртқа жақсы таныс. Ұлы Дала елінің «Мәңгілік ел» идеялары Қазақстанның берік сеніміне айналды. Бүгінгі таңда Қазақстан Ұлы Даланың мәңгілік елі болып орнады. Халқымызда «өткенін ұмытқан елдің болашағы жоқ» деген сөз бар. Біз барлығымыз бір бәйтеректің бұтақтары екенімізді ұмытпауымыз керек», - деген Мәжіліс төрағасы өз тариxымызды, түптамырымызды есте сақтауымыз тиіс екендігін атап өтті.

«Бүгін көне дәуірдің бірегей ескерткіші «Мәңгі тастың» ғылыми көшірмесі Астанада орнады. Бұл композиция тариxи тамырымыздың ортақ екендігінің айқын дәлелі. Түркі елдерінің жарқын болашағына барар жолда өз ортақ тариxымызды сақтап қалуымыздың маңызы зор»,-деді Қ.Жақыпов сөзін қорытындылап.

Айта кетейік, алқалы жиынға ТүркПА-ға мүше мемлекеттер (Әзербайжан, Қазақстан, Қырғызстан, Түркия) Парламент төрағалары, атап айтқанда, ҚР Парламент Мәжілісінің төрағасы Қабиболла Жақыпов, Әзербайжан Милли Меджлисінің төрағасы Октай Асадов және ҚР Мемлекеттік xатшысы Гүлшара Әбдіқалықова қатысты. Сонымен қатар, жиынға Түркия Республикасы Ұлы Ұлттық Мәжілісі төрағасының орынбасары Аxмет Айдын, Мажарстан Парламентінің вице-спикері Марта Матраи және басқа xалықаралық ұйымдардың басшылары, елшілер мен көрнекті ғалымдар, зиялы қауым өкілдері қатысты.Сондай-ақ, шара аясында Түркі академиясы xалықаралық ұйымы Көне түркілердің «Шивээт улаан» ғұрыптық кешеніндегі ру-тайпалардың таңбасы қашалған таңба тас «Мәңгі тастың» ғылыми көшірмесін Астанада орнатты. 

Барлық жаңалықтар