Түркі академиясы «Мәңгі тас» монументінің көшірмесін Астанада орнатты

«Мәңгі тас» («Вечный камень») ескерткіші біздің халықтарымыздың бірлігінің белгісі, ұлы түркі билеушісі осы ескерткішті орнатқан, бұл біз үшін мақтаныш. Бұл ескерткіште түркі елдерінің анты қашалған, ұлы заңдар бекітілген, оның бойынша құрылтай жиналған, осылайша бүгінгі парламентарийдің негізі қаланған десе болады», - деді ҚР Мемлекеттік хатшысы Гүлшара Әбдіхалықова.  

Айта кетерлік жайт, биiктiгi 2 метрден асатын таңбатас көкшiл түстi жанартау жынысты тұнбатастан жасалған. Оның тегiстелген бет жағында 60 - қа жуық әртүрлi таңба безбенделген. Оларды iшiнде қырғыз, ұйғыр, қарлұқ, қыпшақ, хазар, авшар сынды iр ру- тайпалардың таңбалары бейнеленген. Ежелгi Өтүкен алабында орналасқан »Шивээт улаан» ғұрыптық кешен көптеген этносаяси одақтарды бiр шаңырақтың астына бiрiктiре бiлген Еуразиялық түркi империясы қағанының құрметiне орнатылған ( VI-VII ғасыр) ғұрыптық кешен. Түркi академиясы »Мәңгi тастың» эстампажын биылғы жылдың қыркүйек айында Моңғолияға ғылыми сапары барысында әкелген болатын.

«Өздеріңіз білетіндей біздің мемлекет мемлекеттілікті құрудың негізін көне заманда салып қойған. Аталмыш ескерткіштің Астанада ашылуы өте маңызды, соның арқасында біз осындай танымал мемлекетке айналдық. Жалпы, бұл ескерткіштің Астанада ашылуының өзі түркі елдері үшін өте маңызды», - деп ағынан жарылды түркітанушы ғалым, профессор Мырзатай Жолдасбеков.

Ескерткіштің ашылуы Түркітілдес мемлекеттердің Парламеттік Ассамблеясы VI  саммиті аясында өтті. Атап өтсек, ТүркiПА-ға Әзербайжан, Қазақстан, Қырғызстан, Түркия елдерi мүше.   

Индира Кауметова