Теңіз жаяу әскерлерінің 260 жас сарбазы алғашқы жауынгерлік атыста сыналды(ФОТО)

3 Желтоқсан, 2015 12:54

Теңіз жаяу әскерлерінің жас сарбаздары алғашқы жауынгерлік атыста сыналды «Батыс» өңірлік қолбасшылығына қарасты 25744 әскери бөлімінде жас жауынгерлерді даярлау жалғасын табуда, деп хабарлады Қорғаныс министрлігінің баспасөз қызметі.

Осы күзде теңіз жаяу әскерлері бригадасына мерзімді әскери қызметін өтеуге жуырда келген 260 жас сарбаз алғашқы жауынгерлік атысқа шықты. Қауіпсіздік шараларымен танысқан сарбаздар атыс сынағына жіберіліп, АК-74 бақылау атысы бойынша 4 жаттығуды орындады.

Бірінші атыс сабағының қорытындысы бойынша үздік мергендер анықталды. Жоғары нәтижемен 92 ұпай жинап, үздік мерген атағына гвардияның қатардағы жауынгері Виталий Данчев пен 90 ұпай жинаған Аслан Бейсенбаев ие болды. Аталған жастар теңіз жаяу әскерлерінің бригадасына мерзімді қызметін өтеуге Ақмола облысы мен Батыс-Қазақстан облысынан келген болатын. Бірнеше күннен кейін, яғни 6 желтоқсан күні, бөлімнің жас толымнан құралған 260 әскери қызметшісі Ақтау қаласына салтанатты түрде әскери ант қабылдауға барады.

Жауынгерлік іске жаңа кіріскен әскери қызметшілер Қарулы Күштердің қатарында мерзімді қызметінің бірінші күнінен бастап-ақ жаттығуды үйренді. Өз командирлерінің, тәжірибелі нұсқаушыларының басшылығымен олар мамандықтары бойынша әскери техника мен қару-жарақты, олардың техникалық сипаттамасын зерделейді. Сонымен қатар жас толымдарды даярлау бағдарламасына қоян-қолтық күрес пен атыстың жеке элементтерін игеру де кіреді.

Барлық жаңалықтар