Азиялық инвесторлар қазақстандық стартаптарды бағалауда
Бес жыл ішінде шара техникалық бизнес пен инвесторларды біріктірді, осылайша аймақтағы ең беделді және ірі шараға айнлады. Жыл сайын шара шамамен екі мыңдай интернет бизнестің негізін қалаушылар, журналистер, венчурлы инвесторлар мен аймақтық көшбасшылардың басын қосып, соңғы тенденциялармен және инновациялық бизнес идеялармен таныстырады.
Ағымдағы жылы Echelon алғаш рет Орталық Азияда өткізіліп отыр. Шараның мақсаты стартаптар саласында Орталық Азия мен Оңтүстік Шығыс Азияның басын қосу, қазақстандық инновациялық технолгияларға инвестиция құю тиімділігін бағалау болып табылады. Осы мақсатта Алматыға Golden Gate Ventures, Ardent Capital, KK Fund венчурлық қорлардың, MaGIC, Merah Putih Incubator, 500 Startups малайзиялық агенттіктердің өкілдері және өзгелер келді.
«Бұл менің Орталық Азияға алғашқы сапарым. Егер біз аймақтағы жобалар туралы бәрін білеміз десем онда өтірік айтқаным, біз алдағы уақытта олармен танысатын боламыз. Менің ойымша азиялық инвесторлардың көбі қазақстандық стартаптар туралы біле бермейді. Бізге ішкі нарық өте қызықты, олар ұзын жолдың тек басында ғана тұр. Инвестор ретінде мен бірінші кезекте жергілікті командалардың сапасына нараз аударатын боламын. Олардың қаншалықты нарықты білетінін және техниканы меңгергенін бағалаймын. Сонымен қатар, біз жергілікті инвесторлар мен қатар мемлекеттің стартап-экожүйесін құруға қандай қолдау көрсетіп жатқанына назар аударатын боламыз», - деп ағынан жарылды KK Fund инвестициялық қорының бас серіктесі Куан Су конференцияда.
