«Нұрлы жол»: Алматы облысында 264 шақырымға созылған алтыжолақты жол салынады
2 Желтоқсан, 2015 17:03
«Нұрлы жол» аясында Алматы облысында 264 шақырымға созылған алтыжолақты жол салынады, деді облыс әкімі Амандық Баталов ОКҚ-дағы брифингте.
«Бүгінгі таңда «Нұрлы жол» бағдарламасына сәйкес, Қапшағайдан Алматыға дейін, Алматыдан Қапшағайға дейін 264 шақырым жол салынды. Алтыжолақты жол Еуропадағыдан кем емес, ЖКО бірден азаяды. «Батыс Еуропа-Батыс Қытай» жолы да сол сияқты», - деді әкім.
Статистикалық мәлімет бойынша, жол көлік оқиғасы адам шығынымен көп мөлшерде Алматы облысында болады.
Оның айтуынша, жол-көлік оқиғасы жолдардың сапасына байланысты болады. Жолдардың біркелкі емес, сапасыз болуына орай қайғылы оқиғалар орын алады», - деді ол.
Индира Кауметова
