Алматы облысында ШОБ-ті несиелендіру 41 млрд теңгені құрады – әкім
2 Желтоқсан, 2015 15:39
Алматы облысында ШОБ-ті несиелендіру көлемі 41 млрд теңгені құрады, деп хабарлады Алматы облысының әкімі Амандық Баталов ОКҚ-дағы баспасөз конференциясында.
«Шағын кәсіпкерлік субъектілерін сауықтыруға мақсатында бөлінген қаржы ШОБ-қа үлкен қолдау көрсетуде. Жалпы, несиелендіру көлемі 41 млрд теңгені құрады, бұл өз кезегінде 3 мыңнан астам жұмыс орнын ашуға және сақтап қалуға мүмкіндік берді», - деп мәлімдеді әкім.
Айта өтейік, Алматы облысында жұмыс істейтін шағын және орта бизнес субъектлерінің саны 162,1 мың данаға жетті. Аталмыш салада барлығы 328,3 мың адам немесе экономикалық белсенді халықтың 32,6% жұмыс істейді. Бүгінде ШОБ субъектілері 256,5 млрд теңгенің өнімін өндірді, ал бюджетке 222,3 млрд теңге түсті.
Индира Кауметова
