Б.Жәмішев: Қаржы институттары өздерінің жұмыстарын бүгінгі жағдайға байлансты қайта құруы керек

2 Желтоқсан, 2015 15:03

Мемлекет басшысы Нұрсұлтан Назарбаевтың жыл сайынғы Жолдауында атап өтілген жаңа экономикалық жағдайда қаржы институттары өздерінің жұмыстарын қайта құру керек, деп хабарлады «Қазақстан Даму Банкі»АҚ басқарма төрағасы Болат Жәмішев «Strategy2050.kz»АА берген эксклюзивті сұхбатында.

«Монополиялық қызметті реттеу, банкроттық – бұл мәселелердің барлығы өте маңызды. Президент оған үлкен көңіл бөлді. Егер қаржы нарығын дамыту туралы айтатын болсақ, мұнда міндеттер нақты көрсетілген. Бұл қаржы секторын Ұлттық қордан қолдау көрсету кезеңі, ол келер жылы көрсетілмейтін болады және қаржы институттары жаңа экономикалық жағдайда өздерінің жұмыстарын қайта құру керек. Бұл мақсатта қаржы секторындағы нақтылық керек, ал бұл міндетті Ұлттық банк жүзеге асырады», - деді Б.Жәмішев.

Осы ретте ҚДБ басқарма төрағасы атап өткендей, зейнетақы қорында жоспарланып отырған өзгертулер негізделген.

«Бірыңғай қорды құру және оны Ұлттық банктың басқаруы мүдделер қарама-қайшылығын тудыруда және зейнетақы қоры нарықтық жағдайда жұмыс істемейді. Сондықтанда зейнетақы активтерін жеке басқарушы компанияларға беру аталмыш институтты нарықтық жағдайда жұмыс істеуге мүмкіндік береді. Бұл мүдделер қарама-қайшылығын жою үшін ғана емес, тәуекелдерді алдын-алуға мүмкіндік береді», - деп түсіндірді Б.Жәмішев.

Б.Жәмішев толықтырып кеткендей, әлеуметтік саладағы барлық міндеттер де өте маңызды, себебі әлеуметтік саясат жұмыспен қамту арқылы шешілетін болады.

Естеріңізге сала кетейік, Мемлекет басшысы Нұрсұлтан Назарбаев 30 қарашада жыл сайынғы Қазақстан халқына Жолдауын жариялады.

Анар Тәңірқұлова