Қазақстанда Эрмитаж күндері тұрақты түрде өткізіліп тұрады

Қазақстанда алғаш рет Эрмитаж күндері өтуде, оның ресми ашылуы күні кеше Қазақстан Ұлттық мүзейінде өтті. Эрмитаж күндері семинарлар, шеберлік сыныптары, кездесулер өткізіліп, музей саласындағы маңызды жобалар талқыланады. Эрмитаж күніне қатысушылар қатарына музей ісінің үш жүзден астам шетелдік және отандық мамандары енді.

«Қазақстандағы заманауи өнер өте жоғары деңгейде, бұл ретте бізде өтіп жатқан көрмелер немесе шетелде өткізіп жатқан көрмелеріміз дәлел бола алады. Бүгінде Эрмитаж заманауи өнерге үлкен көңіл  бөліп келеді және осы салада бірлескен жұмыстар жүргізілетін болады», - деді ҚР мәдениет және спорт министрі  Арыстанбек Мұхамедиұлы.

Сонымен қатар министр Михаил Питровскийді ҚР Ұлттық музейінде Эрмитаж күндерін өткізуге қосқан үлесі үшін алғыс білдірді.

«Біздің масштабты бастамамыздың ҚР Тұңғыш Президенті күні басталғалы  үлкен мәнге ие. Күні кеше ғана біз Қазақстан Президентімен оны тұрақты түрде өткізу туралы келістік. Жыл сайын емес, екі жылда бір рет өткізетін боламыз», — деп ағынан жарылды Пиотровский.