Ә.Жақсыбеков: ҚР Тұңғыш Президенті - тұрақты болашағымыздың кепілі

"Құрметті, қала тұрғындары мен қонақтары!

Бұл күн бүгінде халық болып тойлайтын маңызды мерекеге айналды. Мұның бәрі елімізде жемісті жүзеге асырылып жатқан реформалар мен мемлекетіміздің тұрақты дамуымен байланысты. Тәуелсіздік жылдары еліміз барша әлем санасатын іргелі елге айналды.

Осынау игі істің басында Елбасымыз Нұрсұлтан Әбішұлы Назарбаевтың салиқалы саясаты жатыр. Мемлекет басшысының төл туындысы - Еуразияның жүрегінде бой көтерген арайлы Астанамыз да қазақстандықтардың мақтанышына, еліміздің дамуының символына айналды. Осы мереке жаңа табыстар мен жарқын істердің ұйытқысы бола берсін!..

Сіздерге зор денсаулық, отбасыларыңызға бақ пен береке, еңбектеріңізге толағай табыс тілеймін!", - делінген хабарламада.