Қазақстанда шығарылатын броньдалған дөңгелекті техниканы Иордания сатып алады
Бұл уағдаластыққа «Қазақстан инжиниринг» ҰК» АҚ-тың басқарма төрағасы мен ІІ Абдалла Патшасы (KADDB) атындағы жобалық-құрастыру бюросының бас директоры Мохаммед М.Әл-Хабхбаның кездесуі аясында қол жеткізілді.
Келіссөздер барысында тараптар өзара түсінушілік туралы меморандумға қол қойды. Құжат Астанадағы «Қазақстан Парамаунт инжиниринг» ЖШС-ның зауытында шығарылатын KADDB 50 бірлік броньды дөңгелекті техниканы жеткізуді көздейді. Кездесу соңыңда «Қазақстан инжинирингтің» басшысы иорданиялық әріптестерін «KADEX-2016» қару-жарақ пен әскери-техникалық мүліктің IV халықаралық көрмесіне қатысуға шақырды.
KADDB бас директоры өз кезегінде, Е.Ыдырысовқа Аммандағы халықаралық көрме мен SOFEX-2016 арнайы мақсаттағы күштердің конференциясын көруге шақырту берді. ІІ Абдалла Патшасы (KADDB) атындағы жобалық-құрастыру бюросы Иорданиялық Қарулы Күштерінің тәуелсіз мемлекеттік мекемесі болып табылатынын айта кетейік. Әскери техниканы өндіру мен шығаруды жүзеге асырады.
