Иран ҚР-дағы полиметалл, жез бен темірді барлау жұмыстарына инвестиция құюға дайын екенін жеткізді
2 Желтоқсан, 2015 09:28
Қазақстан мен Иран бірлесіп екі елдегі болашағы зор инвестициялық жобаларды іріктейді. Қазақстандық геологтар 2016 жылдың басында Иранға геологиялық ақпаратпен жұмыс істеу үшін бармақшы. Мұндай шешім ҚР ИДМ мен Иран Ислам Республикасы Кенорындары мен тау өндірісін жаңғырту және дамуты ұйымы (IMIDRO) өкілдерінің кездесуі барысында қабылданды, деп хабарлады ҚР СІМ.
Тегеранда «Қазгеология» АҚ басқарма төрағасы Ғалым Нұржанов Iran Minerals Production and Supply Co. бас директоры В. Джафар, IMIDRO президентінің кеңесшісі М. Тахер, «Ghadir Investment Co» компаниясының басшылығы және Иран Ислам Республикасының өзгеде ірі тау-кен өндірісі саласындағы компаниялардың өкілдерімен тау-кен және геология саласын дамыту бойынша ынтымақтастықтың жол картасын жасақтау мақсатында кездесті.
Кездесу барысында қазақстандық тарап жер қойнауын пайдалану туралы заңнамадағы жаңашылдықтармен, «Қазгеология»АҚ қызметімен және аталмыш салада жеткен жетістіктерімен бөлісті.
Өз кезегінде ирандық тарап полиметалл, жез бен темірді барлау жұмыстарына инвестиция құюға дайын екенін жеткізді.
