Астана мен Ақмола облысы жетімдер үйінің түлектері әлемдік деңгейдегі APEC PETROTECHNIC колледжінің абитуриенті атана алады
«Брифингтер барысында ақпараттық түсіндіру жұмыстары жүргізілуде, APEC PETROTECHNIC туралы презентация көрсетілуде: түсу тәртібі мен ережелері, оның артықшылықтары мен оқу шарттары.Сондай-ақ, жетімдер үйінің тәрбиеленушілері математика мен ағылшын тілінен тест тапсырып іріктеудің бірінші турынан өту мүмкіндігіне ие болады. Бұндай тестілеуді 5 қараша күні Холдинг қызметкерлері Астана қаласы жетімдер үйінің тәрбиеленушілері арасында өткізді. Кейбір тәрбиеленушілер бірінші іріктеу туры кезінде аталған пәндер бойынша жақсы білімдерін көрсетіп үлгерді», - деп хабарламада нақтыланған.
«Кәсіпқор» Холдингінің жақын арадағы Қазақстанның басқа да облыстарындағы жетімдер үйіне және ауылдық мектептерге барып, Холдинг қызметі туралы және Атырау қаластындағы APEC Petrotechnic-тің әлеуетті болашақ түлектерімен жұмыс жүргізу үшін брифингтер өткізуді жоспарлап отыр.
Қазіргі таңда әлемдік деңгейдегі колледж APEC Petrotechnic «Холдинг «Кәсіпқор» КЕАҚ бірінші жобасы болып табылады. Колледжде мұнай-газ саласындағы үш мамандық бойынша білім алуға болады. Олар: мұнай газ өндіру технологиясы, бақылау өлшеу құралдары және автоматизация технологиясы, кен орындарын пайдалану.
APEC Petrotechnic-те Холдингтің стратегиялық әріптесі және мұнай-газ саласында кадрлар дайындаудағы әлемдік лидер Оңтүстік Альберта (Канада) Институты - SAIT Polytechnic-тің жоғары білікті оқытушылары білім береді.
Болашақта Холдинг әлемдік және әріптес колледждерді және өңір аралық орталықтарды бүкіл ел бойынша ашуды жоспарлап отыр. 2015 жылы Астана және Алматы қалаларындағы колледждер өздерінің бірінші студенттері үшін есіктерін ашады.
