• Басты
  • Ақтөбедегі бос жұмыс орындар жәрмеңкесіне 300 адам қатысты

Ақтөбедегі бос жұмыс орындар жәрмеңкесіне 300 адам қатысты

2 Желтоқсан, 2015 09:42
«Азаматтарды қабылдаудың бірыңғай күні» атты Республикалық акциясы аясында кезекті бос жұмыс орындар жәрмеңкесі өткізілді, деп хабарлады облыстың ішкі саясат басқармасы.

Аталған іс-шара мақсаты өзін-өзі жұмыспен қамтыған, жұмыссыз және халықтың нысаналы топтарына кіретін азаматтарды жұмыспен қамтуға жәрдемдесудің белсенді шараларына тарту. Сонымен қатар, жұмысқа орналастыруға ықпал ету мақсатында бос жұмыс орындар жәрмеңкесінебас бостандығынан айыру жерінен босап шыққын және пробация қызметінде тұрған тұлғалар шақырылды.

Жыл басынан бері жұмыспен қамту органдарының ұйымдастыруымен 10 бос жұмыс орындар жәрмеңкесі өткізілді, нәтижесінде 550 адам тұрақты жұмысқа орналастырылды.

Бүгінгі күні бос жұмыс орындар жәрмеңкесіне 46 жұмыс берушіден 400 ден астам бос жұмыс орындары келесі мамандықтар бойынша ұсынылды: инженерлер, дәрігерлер, оқытушылар, ақпараттанушылар,фрезеровщик, қызмет көрсету саласында - кассирлер, аспазшылар, менеджерлер, тігіншілер және т.б.

Бос жұмыс орындары жәрмеңкесіне қатысқандар саны - 307 адам, соның ішінде ерлер саны- 176, әйелдер саны-131, 29 жасқа дейінгі жастар саны-79. Тұрақты жұмысқа жолдама алғандар саны - 131 адам, әлеуметтік жұмысқа жолдама алғандар саны –12 адам, қайта даярлау курстарына 2 адам тіркелді.
Бос жұмыс орындар жәрмеңкесінің қорытындысы бір апталық мерзім ішінде белгілі болады.

Барлық жаңалықтар