30 Қараша, 2015 10:56

Жыл соңына дейін 450-ден астам ақтөбелік «Нұрлы жол» бағдарламасы аясында баспаналы болады

Ағымдағы жылдың соңына дейін Ақтөбе қаласында жалпы алаңы 30,6 мың шаршы метр болатын 469 пәтер салынып және бөлінетін болады, деп хабарлады «Бәйтерек» ҰБХ» АҚ.

Жыл басынан бастап Астана, Алматы, Шымкент, Ақтөбе, Қостанай, Көкшетау, Семей, Павлодар, Қарағанды, Тараз қалаларында 3 409 пәтер бөлінді.

Астана, Ақтау, Қызылорда, Талдықорған қалаларында 941 пәтерді бөлу қосымша жүріп жатыр. Осы қалаларда кілеттерді тапсыру бойынша іс-шаралар ағымдағы жылдың қараша айының соңына дейін жүргізіледі деп жоспарлануда.

Жалға берілетін тұрғын үйлер жергілікті атқарушы органдарда кезекте тұрған жас отбасыларға, бюджеттік ұйымдардың қызметкерлері, мемлекеттік қызметкерлер, көп балалы отбасылары, мүгедек бала тәрбиелеп отырған отбасылары, ата-анасының қамқорлығынсыз қалған, жетім балалар, толық емес отбасы, әскери қызметкерлерге беріледі.

Мемлекет басшысының 2014 жылғы қараша айындағы «Нұрлы жол - болашаққа бастар жол» атты Қазақстан халқына Жолдауында қолжетімді тұрғын үй құрылысына және қазақстандықтарды қолжетімді, сапалы, арзан үймен қамтамасыз етуде көзқарасты қайта қарастыруды тапсырған еді. Осыған байланысты ҚР Үкіметі Өңірлерді дамытудың 2020 жылға дейінгі бағдарламасын әзірледі, ол бағдарламада жалға берілетін тұрғын үйге ерекше назар аударылды.

Ағымдағы жылы Холдинг алдында Қазақстан бойынша 401 мың шаршы метр немесе 7 мың пәтерді пайдалануға ендіру бойынша тапсырма тұр.

Қазіргі уақытта Астана, Алматы, Шымкент, Ақтөбе, Көкшетау, Қостанай, Семей, Тараз, Қарағанды, Ақтау, Талдықорған және Павлодар қалаларында ауданы 249 мың шаршы метр болатын 4 301 пәтер берілді. Жыл соңына дейін Алматы, Шымкент, Тараз, Қызылорда, Ақтау, Өскемен, Павлодар қалаларында 2,8 мың пәтерді беру қосымша жүргізілетін болады.

Кезекте тұрғандардың тізімі жергілікті атқарушы органдарымен іріктеледі және олардың тізімі төлем қабілеттілігін анықтау үшін «Байтерек» Холдингінің еншілес құрылымы «Қазақстан Ипотекалық Компаниясы» ИҰ» АҚ-ына (ҚИК) жіберілетін болады.

1 шаршы метрі үшін жалдау құны Алматы және Астана қалаларында 1 120 теңгені құрайды, басқа аймақтарда 923 теңгеге дейін. Жалға берілетін тұрғын үйлер сатып алу құқығымен 20 жылға бастапқы жарнасыз беріледі. Осы мерзім өткеннен кейін жылжымайтын мүлік жалға алушының меншігіне өтеді. Тұрғын үйді 5 жылдық жалдау мерзімі өткеннен кейін қалдық сомасы бойынша қалған ай сайынғы жалдау төлемдеріне тең келетін сомаға сатып алуға болады.

ҰСЫНЫЛАДЫ

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды