Е. Ыдырысов ҚР Мемлекеттік басқару академиясында сыртқы саясат туралы дәріс оқыды
6 Қараша, 2013 14:50
Бүгін, 6 қараша Қазақстан Республикасы Президентінің жанындағы Мемлекеттік басқару академиясында Қазақстан Республикасы Сыртқы істер министрі Ыдырысов Ерлан Әбілфайызұлы Академия магистранттары, докторанттары, профессор-оқытушылар құрамы алдында «Қазақстан Республикасы сыртқы саясатының басымдықтары» тақырыбына дәріс оқыды, деп академияның баспасөз қызметі хабарлады.
«Сыртқы саяси ведомство басшысы өз баяндамасы барысында Қазақстан Республикасының сыртқы саясат міндеттері мен басымдықтары, сондай-ақ қазіргі уақытта министрлік жүргізетін негізгі іс-шаралар жөнінде толық ақпарат берді», - деп хабарламада нақтыланған.
Е.Ыдырысов Академияның профессор-оқытушылар құрамы мен магистранттарының сұрақтарына жауап берді.
Академияның Ғылыми кеңесінің шешімі бойынша дипломатия институтының дамуына және кәсіби кадрларды даярлауға қосқан үлесі үшін Қазақстан Республикасы Сыртқы істер министрі Ерлан Әбілфайызұлы Ыдырысовқа Қазақстан Республикасы Президентінің жанындағы Мемлекеттік басқару академиясының құрметті профессоры атағын беру туралы диплом салтанатты түрде табыс етілді.
