Киевте «Киев-Астана ЭКСПО-2017» халықаралық форумы өтті
28 Қараша, 2015 16:02
Киевте Астанада өтетін ЭКСПО-2017 мамандандырылған көрмесіне арналған «Киев-Астана ЭКСПО-2017» халықаралық форумы өтті, деп хабарлады ҚР СІМ.
Шараны Украинадағы Қазақстан Республикасының Елшілігі украиналық «MonacoUkraineGroup» компаниясымен бірлесіп ұйымдастырды.
«Астана ЭКСПО-2017»ҰК»АҚ-ның өкілі С. Бөлебаева форумға қатысушыларды көрмеге дайындық барысынан хабардар етті.
Сонымен қатар, ауқымды шара барысында Қазақстанның инвестициялық климаты жайлы бейнеролик көрсетілді. Бұдан басқа, Қазақстан мен ЭКСПО-2017-ге арналған фотокөрме өтті.
