ШҚО Аягөз ауданындағы жолдың жөнделуіне келер жылы 300 млн. теңге бөлінбек

«Аягөз ауданының  әкімі Нұрбала Нұрғалиеваның мәліметінше, өңірлерді дамыту бағдарламасы аясында республикалық бюджеттен Аягөз қаласындағы Қабанбай батыр көшесін жөндеу жобасын іске асыру үшін 1 млрд 400 млн теңге бөлінген», - делінген хабарламада.

«Айналма жолдың халі өте мүшкіл. Алматы-Өскемен арасында қатынайтын барлық транспорт құралдары аталмыш Қабанбай батыр көшесімен өтеді. Ал бұл жол мұншалықты көлік ағымына есептелмеген. Аягөз қаласы дамуының бас жоспарын іске асыру аясында аталмыш жолды жөндеу жобасы дайындалды. Жоспар бойынша, 4 жолақты қозғалыс пен жол үсті немесе жол асты өткелі салынбақ. Бұл әсіресе аудандағы орта мектеп жанындағы жолдардағы балалардың өлім-жітімі мен ЖКО алдын алуда таптырмасы  болар еді», - деді әкім.

Екі жылға есептелген жобаның басты мақсаты – қазаның алдын алу. 2012 жылдың өзінде дәл осы жло бойында 11 кісі өлімі тіркелген.

Жалпы, аудан көлемінде жол мәселесі өте күрделі болып отыр. 464 км-лік аудандағы жолдың тек 30 км-де ғана асфальттік төсеме бар. Әкім атап өткендей, келер жылы жергілікті бюджеттен жол жөндеу мақсатында 300 млн теңге бөлінбек.