Қазақстанның мұнай сервистік компаниялар одағы қазақстандық компаниялардың кеңейту жобаларына қатысу үшін жағдай жасауда

«Бүгінгі күні осы салада 200 мыңға жуық адам жұмыс істейді. Әлемдегі мұнай бағасының төмендегенін ескерсек, мұнай компанияларының да кірісі 15-20 пайызға дейін түсті. Осыған байланысты мұнай-сервис саласындағы қызметкерлердің 15-20 пайызы жұмыссыз қалуы мүмкін. Алайда Теңіз кен орнын игеру жобасының кеңейтілуіне орай жаңа жұмыс орындары ашылатын болады», - деді ол.

Оның айтуынша, қазіргі қолға алынған жобалар ойдағыдай жүзеге асырылса, 25 мың адамға жұмыс орны ашылады.

«Атап айтсақ, Маңғыстау облысында 5000, Атырау облысында 20 000-ға дейін жаңа жұмыс орындарын ашу көзделіп отыр», - деп толықтырды Алмас Құдайберген.