Қызылордада тұрғын үй комбинаты салынуда
26 Қараша, 2015 15:03
«РМЗ-Шапағат» ЖШС Қызылорда қаласының оңтүстік өнеркәсіптік аймағында темір-бетон бұйымдарын шығаратын тұрғын үй құрылысы комбинатын салуда, деп хабарлады облыс әкімдігінің баспасөз қызметі.
Облыстық ішкі саясат басқармасы хабарлағандай, құрылыс барысында 52 адам еңбекке тартылған. Ал комбинат іске қосылғаннан кейін 68 адамға жұмыс табылады. Қажетті технологиялық құрылғылар немістің «Weiler» компаниясынан сатып алынған. Бүгінде құрылыс-монтаждау жұмыстарының 96%-ы аяқталған. Нысан алдағы айда қолданысқа беріледі деп күтілуде.
