«Болашақтықтардың» әлеуеті Қазақстанда үш тілдік оқытуды дамыту жөніндегі Жол картасы аясында пайдаланылады - М.Мұқатова
«Қазақстанда үш тілдік оқытуды дамыту жөніндегі Жол картасы аясында білім беру ұйымдарын білікті ағылшын тілді мамандармен қамтамасыз ету үшін «Болашақ» бағдарламасы түлектерінің әлеуеті пайдаланылады. Педагогтарды ынталандыру жүйесі ойластырылып, сондай-ақ Ұлттық біріңғай тестілеудің формасы мен мазмұны жетілдіріледі», - деді М.Мұқатова.
Ол еске салып өткендей «2015-2020 жылдарға арналған үш тілді білім беруді дамыту жөніндегі Жол картасын» ҚР Білім және ғылым министрлігі Елбасының тапсырмасын орындау мақсатында әзірлеген болатын.
«Аталған жоба аясында ұйымдастырушылық сипаттағы бірқатар шаралар жоспарланған. Оның ішінде: Ұлттіқ білім беру академиясы жанынан Үш тілді білім беру орталығын құру, ол Қазақстанда үш тілді білім беруге көшу бойынша жұмысқа басшылық етеді. Үш тілді білім берудің сабақтастығын қамтамасыз етіп, жоғарғы мектептерде, колледждер мен ЖОО-дарында ағылшын тілінде оқытуға кезең-кезеңмен көшуге дайындау үшін үш тілде оқыту бойынша бірыңғай тілдік стандарт әзірленеді», - деп еске салып өтті Ұлттық академияның вице-президенті.
