2015 жылы «Даму» қоры Қазақстанның іскер әйелдерін қолдауға 1 млрд теңге бөлді

25 Қараша, 2015 11:49

2015 жылдың соңғы 10 айында «Даму» кәсіпкерлерді қолдау қоры» Қазақстанның іскер әйелдерін қолдау үшін 1 млрд теңге бөлді, деді Мемлекеттік хатшы Г.Әбдіқалықова Әйелдердің IV Еуразиялық саммиті барысында.

« «Даму» кәсіпкерлерді қолдау қоры» соңғы 10 айда шағын және орта бизнес саласын қолдауға 1 млрд теңге бөлді, 6 мың жеке кәсіпкер әйел қаржыландырылды», - деді ҚР Мемхатшысы.

Ол атап өткендей, 2010 жылдан бастап шағын несиелеу бағдарламасы бойынша, 12 млрд теңге көлемінде 1,5 мың әйел несие алды. Сондай-ақ, Азия даму банкі 2011 жылдан бастап 412 кәсіпкер әйелдің жобасын қаржыландырды.

«Еуропалық қайта құру және даму банкі әйелдер басқаратын кәсіпорындарды қолдауға қаржы бөлінді, ол 41 млн долларды құрайды. Бүгінгі таңда 677 кәсіпкер әйел Назарбаев Университетінде оқытудан өтіп, әлемнің үздік университеттеріне дәріскер ретінде шақырылды. «Іскер әйелдердің қауымдастығы – іскерлік байланыс» жобасы аясында 1100 бизневумен шетелдік кәсіпорындарда тренингтен өтті», - деді Г.Әбдіқалықова.

Айта кетейік, Қазақстанның іскер әйелдер қауымдастығы – елдің тұңғыш әйелдер ұйымы. Бүгінде Қауымдастық 15 мың әйелдің басын біріктіріп отыр. 20 жыл ішінде Қауымдастық жүздеген әлеуметтік-маңызды жобаларды жүзеге асырды.

Барлық жаңалықтар