• Басты
  • Р.Сәрсембаева: 20 жыл – Қазақстанның іскер әйелдер қауымдастығы үшін маңызды мерейтой
25 Қараша, 2015 10:37

Р.Сәрсембаева: 20 жыл – Қазақстанның іскер әйелдер қауымдастығы үшін маңызды мерейтой

Қазақстанның іскер әйелдер қауымдастығына 20 жыл толып отыр. Бұл үкіметтік емес ұйымның маңызды мерейтойы, деді ҚР Президенті жанындағы Әйелдер және отбасылық -демографиялық ұлттық комиссияның мүшесі Раушан Сәрсембаева Астанадағы Әйелдердің IV Еуразиялық саммиті барысында.
Р.Сәрсембаева: 20 жыл – Қазақстанның іскер әйелдер  қауымдастығы үшін маңызды мерейтой

«Қазақстанның іскер әйелдер  қауымдастығына 20 жыл толып отыр. Бұл үкіметтік емес ұйымның маңызды мерейтойы. Біздің әйелдер  ұйымы – Қазақстанның жаңа тарихының өнімі, жас тәуелсіз мемлекетпен қатарлас құрылуымен тұспа-тұс келіп отыр. Қазақстан тәуелсіздік жылдары күрделі, тарихи кезеңді өткерді», - деді Р.Сәрсембаева.

Ол атап өткендей, бүгінде біздің ел әлем бойынша дамыған демократиялық ел ретінде танылды, бұған әйелдердің қосқан үлесі де аз емес.

«Қазақстандық әйелдер, қиын-қыстау кезеңдерді өздерінің өжеттігі мен қайсарлығын көрсете алды. Тәуелсіздік жылдарынан бастап, әйелдер барлық реформаларға қосылып, мемлекеттіктіктің қалыптасуына өз үлестерін қосты. Әйелдер Елбасы Н.Назарбаев жүргізіп отырған саясаттың ең тиімді жүзеге асырушылары екенін көрсетті», - деді ол.

Айта кетейік, Қазақстанның іскер әйелдер қауымдастығы – елдің тұңғыш әйелдер ұйымы. Бүгінде Қауымдастық 15 мың әйелдің басын біріктіріп отыр. 20 жыл ішінде Қауымдастық жүздеген әлеуметтік-маңызды жобаларды жүзеге асырды.

Ботагөз Айтжанова

Барлық жаңалықтар