• Басты
  • Астанада Әйелдердің 4-ші Еруазиялық саммиті өз жұмысын бастады
25 Қараша, 2015 10:15

Астанада Әйелдердің 4-ші Еруазиялық саммиті өз жұмысын бастады

Астанада 500-ден астам адам қатысатын Әйелдердің 4-ші Еруазиялық саммиті өз жұмысын бастады.
Астанада Әйелдердің 4-ші Еруазиялық саммиті өз жұмысын бастады

Саммит жұмысына ҚР Мемлекеттік хатшысы, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Гүлшара Әбдіқалықова, ҚР Премьер-Министрінің орынбасары Дариға Назарбаева қатысып, сөз сөйлейді. Саммиттің мәртебелі қонақтары қатарында Грузияның саяси партиясының көшбасшысы Нино Бурджанадзе болады. 

Сондай-ақ, саммит аясында бірнеше шаралар ұйымдастырылады. Атап айтсақ, «Нұрлы жол-Жаңа мүмкіндіктер» атты халықаралық көонференциясы, «Бизнестегі әйел-20 қазақстандық бренд» атты отандық өндірушілер көрмесі өтеді.Сонымен бірге,«Қазақстанның қанатты әйелдері» және «Жан қанаты» атты кітаптардың тұсауы кесіледі. Кеш соңында аймақтардағы көшбасшыларды арнайы медальдармен марапаттау жоспарланып отыр.

Сондай-ақ, форум аясында «Жан Қанатты» кітабының таныстырылымы өтеді, ол Қазақстанның іскер әйелдер қауымдастығының 20 жылдық қызметі туралы сыр шертеді.

Сондай-ақ, «Қоғам гүлденуіне қосқан сүбелі еңбегі үшін» төс белгісі тапсырылады. Саммит қатысушыларының арасында  «Ажар жұлдызы- бизнестің тұрақты дамуына 20 жыл»  сыйлығының лауреаттары белгілі болады.

Айта кетейік, Қазақстанның іскер әйелдер қауымдастығы – елдің тұңғыш әйелдер ұйымы. Бүгінде Қауымдастық 15 мың әйелдің басын біріктіріп отыр. 20 жыл ішінде Қауымдастық жүздеген әлеуметтік-маңызды жобаларды жүзеге асырды.

Индира Кауметова

Барлық жаңалықтар