• Басты
  • Астанадағы Әйелдердің 4-ші Еруазиялық саммитіне 500-ден астам адам қатысады
24 Қараша, 2015 18:21

Астанадағы Әйелдердің 4-ші Еруазиялық саммитіне 500-ден астам адам қатысады

Бүгін Астанада Орталық коммуникациялар қызметінде төртінші Еуразиялық Әйелдер саммитінің – EWS-IV өтуіне және Қазақстан іскер әйелдері Қауымдастығының 20 жылдық мерейтойына байланысты баспасөз мәжілісі өтті.
Астанадағы Әйелдердің 4-ші Еруазиялық саммитіне 500-ден астам адам қатысады

Саммит жұмысына ҚР Мемлекеттік хатшысы, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Гүлшара Әбдіқалықова, ҚР Премьер-Министрінің орынбасары Дариға Назарбаева қатысып, сөз сөйлейді. Саммиттің мәртебелі қонақтары қатарында Грузияның саяси партиясының көшбасшысы Нино Бурджанадзе болады. 

«Біз әйелдер саммитін осымен төртінші рет өткізгелі отырмыз. Ол интеграция және әйелдердің экономикаға қосатын үлесі туралы болмақ. Бұл біздің жаһандық сауда ұйымына енгеннен кейін экономикалық кеңістікте өте маңызды мәселе. Сондай-ақ, саммитте ЭКСПО-2017 көрмесіндегі әйелдердің рөліне басымдық беріледі. Қазір елдегі әйелдер кәсіпкерлігі даму үстінде. Сондай-ақ, саммитте Еуропалық қайта құру және даму банкімен қарым-қатынасымызды одан әрі дамыту мәселесі қарастырылады. Өйткені, ЕҚҚДБ еліміздегі әйелдер кәсіпкерлігін қолдауға 41,1 млн доллар бөліп отыр», - деді ол.

Оның айтуынша, саммит жұмысына ҚР Мемлекеттік хатшысы, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Гүлшара Әбдіқалықова, ҚР Премьер-Министрінің орынбасары Дариға Назарбаева, Грузияның саяси партиясының көшбасшысы Нино Бурджанадзе қатысып, баяндамаларын оқиды.

Сондай-ақ, саммит аясында бірнеше шаралар ұйымдастырылады. Атап айтсақ, «Нұрлы жол-Жаңа мүмкіндіктер» атты халықаралық көонференциясы, «Бизнестегі әйел-20 қазақстандық бренд» атты отандық өндірушілер көрмесі өтеді.

Сонымен бірге,«Қазақстанның қанатты әйелдері» және «Жан қанаты» атты кітаптардың тұсауы кесіледі. Кеш соңында аймақтардағы көшбасшыларды арнайы медальдармен марапаттау жоспарланып отыр.

 

Барлық жаңалықтар