Қазақстан тарихшылары Семей қаласын Алаш деп өзгертуді ұсынуда
24 Қараша, 2015 14:21
Қазақстан тарихшылары Семей қаласын Алаш деп өзгертуді ұсынуда. Бұл туралы ҚР Президенті жанындағы ОКҚ-да Л.Н. Гумилев атындағы Еуразия Ұлттық университетінің «Алаш» мәдени және рухани институтының директоры Сұлтан Хан Аққулы мәлімдеді.
« Ә. Н. Бөкейхан– ХХ ғасыр басындағы даңқты мемлекет және қоғам қайраткері, Алаш ұлт-азаттық қозғалысының негізін қалаушы, идеологы, саяси көсемі, Қазақтың автономиялық Алаш мемлекетін құрушы, оның басшысы әрі премьер-министрі. Ғұлама ғалым – тарихшы, этнограф, әдебиеттанушы, заңгер, экономист, агроном, көсемсөзші. Оның кейінгі ұрпаққа қалдырған ғылыми-публицистикалық мұрасы қазір 16 томнан астам жинақты құрайды», - деді ол.
Айта кетейік, Парижде ЮНЕСКО Бас конференциясының 2-18 қараша аралығында болып өткен 38-сессиясы «мемлекет және қоғам қайраткері Әлихан Бөкейханның туғанына 150 жыл толуына арналған мерекелік шараларға қатысу туралы» өзінің Атқарушы кеңесінің ұсынысын түпкілікті мақұлдады.
Ботагөз Айтжанова
