Е.Жақышев: 2015 жылы Ляньюньган порты арқылы 150 мың контейнер тасымалданды
«9 ай ішінде 150 мың контейнер тасымалданды. Ляньюньган порты Қытайдың ең ірі порттарының бірі болуы қазақстандық активтің қатысуынсыз жүзеге аспауы мүмкін еді. Қазақстанға тиесілі құрылымдар арқылы портан 150 контейнер 20 фут эквивалентінде тасымалданды», - деді ол.
Оның айтуынша, «Қорғас-Шығыс қақпасы» арнайы экономикалық аймағы арқылы халықаралық сауда көлемi 2014 жылы 803 млрд доллар болса, 2020 жылға қарай оның көлемiн 1,5 есеге ұлғайтып, 1200 млрд долларға жеткiзу жоспарланып отыр. Сондай-ақ Еуропа мен Қытай арасындағы жүк тасымалдау көлемiн 117 млн тоннадан 2020 жылға қарай 170 млн тоннаға жеткiзу көзделiп отыр.
Атап өтсек, KTZ Express ұлттық мультимодальды операторы ҚТЖ-ның 100 пайыздық еншiлес ұйымы. Ол 2013 жылы құрылған. KTZ Express Қытайдан Еуропаға Қазақстан аумағы арқылы «бiр терезе» қағидасы бойынша жүк тасымалдайды. Ұйым жергiлiктi және халықаралық темiржолдарды, автожолдарды, теңiз және әуе логистикасын, теңiз порттары мен әуежайлар инфрақұрылымын және терминалдық желi мен қоймаларды бiрiктiредi.
