Ақтөбе облысында агроөндірістік салада индустриялды аймақ құрылады
24 Қараша, 2015 12:06
Ақтөбе облысында агроөндірістік салада индустриялды аймақ құрылады, деді Ақтөбе облысының әкімі Бердібек Сапарбаев ҚР Президенті жанындағы ОКҚ-да.
«Біз қазір агроөндірістік салада индустриялды аймақты құруды жоспарлап отырмыз. 100 гектар жер мен техникалық-экономикалық қамту үшін 5 млн теңге бөлдік. Осы жылы АӨК саласында 80 млрд теңгенің 21 жобасы жүзеге асырылуы керек. Ол 500 жаң жұмыс орнын ұсынады», - деді Ақтөбе облысының әкімі.
Ол атап өткендей, ауыл шаруашылығының басымдығы ауыл шаруашылық өнімдерін өңдеу болып табылады.
«Біз ет пен сүтті өңдеуді басымдылыққа алып отырмыз. Екінші мәселе – өсімдік шаруашылығын әртараптандыру. Ауа-райы жағдайына сәйкес, қатты дәнді-дақылдар өнімділігі төмен, сондықтан қазір агроқұрылым жетекшілеріне өндірісті әртараптандыру жүктелді», - деді ол.
