Қазақстанның арнайы экономикалық аймақтары Үндістанда таныстырылды
24 Қараша, 2015 10:54
Делиде Қазақстан Республикасының арнайы экономикалық аймақтарының инвестициялық әлеуетіне арналған роуд-шоу өтті, деп хабарлады «KAZNEX INVEST».
Шарада Үндістандағы Қазақстанның Төтенше және Өкілетті елшісі Болат Сәрсенбаев, Үндістанның сауда-өндірістік федерациясының бас хатшысы Дидар Сингх, Сыртқы істер министрлігінің хатшысы Шамбху Кумаран сөз сөйледі.
«Үндістандық бизнестің өкілдері атап өткендей, Үндістанның көптеген компаниялары Қазақстанмен жұмыс істейді. Бірақ, олар үшінші елдер арқылы, яғни тікелей емес. Үндістан біздің елмен тікелей байланыс жасауға мүдделі», - деді «KAZNEX INVEST» басқарма төрағасының орынбасары Алмас Айдаров.
Шара барысында әлеуетті инвесторларға АЭА инвестициялық мүмкіндіктері таныстырылды.
