Н.Радостовец: Үкімет жақын арада жекешелендірілуі тиіс 65 нысанды атайды

«Бүгін әкімдердің, Ұлттық банк төрағасының қатысуымен Үкімет отырысы өтті. Онда Мемлекет басшысының тапсырмалары талқыланды. Отырыстың күн тәртібінде 11 маңызды мәселе қаралды. Бұл мәселелердің қатарында жекешелендіру, жария ету және нарықтарда бағаларды бақылау бар. Сондай-ақ, «Нұрлы жол» бағдарламасын жүзеге асыру мәселелері бар. Біз Ұлттық кәсіпкерлер палатасының өкілдері, кәсіпкерлер ретінде «Нұрлы жол» Қазақстан экономикасында үлкен тұрақтандырушы рөл атқаратынына сенімдіміз. Және де қазіргі таңда аяқталып қалған көптеген жобалар жұмыс орындарын сақтап қалуда. Әкімдер жыл соңына дейін қаржының барлығын игереміз деп есеп берді. «Нұрлы жол» әлі де жалғасын табатын бағдарлама», - деді Н.Радостовец.

Оның айтуынша, инфрақұрылымды дамыту саласында Қазақстан экономикасының одан әрі дамуы үшін жағдайлар жасалуда.

«Қазіргі жағдайда Үкімет маңызды қадамдар жасады. Үкімет жақын арада жекешелендірілуі тиіс 65 нысанды атайды. Және жекешелендірудің жаңа жолы пайдаланылады. Бастапқыда жоғарылау болады, яғни кім көп төлейді соған байланысты болады. Ал кімде кім төлемесе және сатып алушыны табуға жағдай болмаса, Үкімет төмендеуге жол береді. Егер бұндай жағдайда аталмыш нысан немесе компания сатылмаса, инвестор табылмаса, онда жою процесі болады. Жалпы қазіргі әлемдік дағдарыс жағдайында Үкімет кәсіпкерлік саласын кеңейтуге, бәсекелестікті дамытуға, мемлекеттік сектор үлесін қысқартуға мүмкіндік беріп отыр», - деді Николай Радостовец.