Шымкентте «Дін және әйел» тақырыбында форум өтеді

«Форумның мақсаты: «Дін және әйел» тақырыбын қоғамдық ортада жан-жақты талқылау үшін пікірталас алаңын ұйымдастыру, жастардың ислам дінінің негіздері туралы дұрыс мағлұмат алуына және зайырлы қоғамның дәстүрлері мен мәдени нормаларына сәйкес келетін діни сана қалыптастыруға ықпал ету», - деп хабарламада нақтыланған.

Сонымен қатар, аталған форум аясында жастардың діни сауаттылығын арттыруға бағытталған «Дін және дәстүр сұхбаты заманауи сын-тегеуріндер аясында» атты дөңгелек үстел 7 қарашада Оңтүстік Қазақстан мемлекеттік педагогикалық институтында, «Діни сана және рухани құндылықтар» атты дәріс-сұхбат пен «Сауатты жас – салауатты қоғам болашағы» атты семинар-тренинг 8 қарашада «Шымкент» университетінде өткізіледі.

Форумға Қазақстан Республикасы Дін істері агенттігінің, Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссиясының, Оңтүстік Қазақстан облысы әкімдігінің, Қазақстан Республикасы Білім және ғылым министрлігінің өкілдері, мемлекеттік қызметкерлер, ЖОО студенттері, оқытушы-ғалымдар, мәдениет және қоғам қайраткерлері, БАҚ қатысады.