• Басты
  • ҚР Қарулы Күштерінде қорытынды тексерудің екінші кезеңі басталды (ФОТО)
24 Қараша, 2015 09:52

ҚР Қарулы Күштерінде қорытынды тексерудің екінші кезеңі басталды (ФОТО)

ҚР Қарулы Күштерінде өткен аптада 2015 оқу жылы бойынша қорытынды тексерістің бірінші кезеңі аяқталған болатын, деп хабарлады Қорғаныс министрлігінің баспасөз қызметі.
ҚР Қарулы Күштерінде қорытынды тексерудің екінші кезеңі басталды (ФОТО)

Бүгін екінші кезең басталды. Комиссия әскери қызметшілердің негізгі оқыту пәндері бойынша жеке дара дайындығын бағалады. Содан кейін оқу-жауынгерлік тапсырмаларды орындау барысында бөлімшелердің үйлесімділігі, дабыл бойынша кенеттен көтеру, белгіленген аудандарға шығу, практикалық оқ атуларды орындау, тактикалық оқу-жаттығуларды, сондай-ақ жауынгерлік және материалдық-техникалық қамтамасыз ету іс-шараларының өткізілуі тексерілді.

Онда Қарулы Күштердің барлық қалған бөлімдері тартылады. Бұл армияның қорытынды бағасы болмақ. Оның нәтижелері бойынша үздік құрамалар, үздік әскери бөлімдер мен үлгілі әскери қызметшілер анықталады.   Тексерудің бірінші кезеңінің нәтижелері бойынша ҚР ҚК Аэроұтқыр әскерлерінің  32363, 29108, 42968, 62064, 12740 және 77035  әскери бөлімдері «4» деген орташа баға алып, өздерінің жақсы білімдерін көрсетті.

 «Шығыс» өңірлік қолбасшылығының 27943 әскери бөлімінде 2-мотоатқыш батальонының әскери қызметшілері  жақсы жағынан ерекшеленді. Осы батальонның әскери қызметшілері барлық пәндер бойынша қорытынды тексеріске тиянақты дайындалған. Олар далада өздерінің білімдері мен практикалық дағдысын көрсетті. Бөлімнің бірқатар әскери қызметшілері жауынгерлік және мемлекеттік-құқықтық даярлықтағы үздік көрсеткіштері үшін жақсы жағынан көзге түсіп, бөлім командирімен көтермеленді.

ҚР Қарулы Күштерінде 2015 оқу жылы бойынша әскерлердің қорытынды тексерісі 16 қарашада басталғанын естеріңізге сала кетейік.  Қорытынды тексерістің нәтижелері осал тұстарды айқындап, еліміздің Қарулы Күштерінің жауынгерлік әзірлігін жетілдіру үшін әрі қарайғы бағыттарды анықтауға мүмкіндік береді. 


 

Барлық жаңалықтар