Қ.Абден: Мәдени-инабаттылық қыздар институты Қазақстан болашағы үшін өте маңызды (ФОТО)

«Даму» қоры қолдауымен әйелдер және отбасылық демографиялық саясат жөніндегі Ұлттық комиссиямен бірлесуімен   Астанада «Қазақ қызы» Мәдени-инабаттылық қыздар институты бір жыл бойы жұмыс істеуде.

«Оқу-тәрбиелік институтының мақсаты - Қазақстанды  демократиялық , әлеуметтік - экономикалық , мәдени және ұлттық - өзіндік тұрғыда дамыған мемлекет ретінде кейіптейтін қыздарды озық үлгідегі қазақи және еуропалық қоғамдық - инабаттық дәстүрде тәрбиелеуге бағытталған тәрбиелік қызметті жүзеге асыру», - деді Қ.Абден.

«Қазақ қызы» ҚБ президенті, институт жобасының авторы Қарақат Абденнің айтуынша, оқу-тәрбиелік институттың мақсаты -қыздарды озық үлгідегі қазақи және еуропалық қоғамдық-инабаттық дәстүрде тәрбиелеуге бағытталған қызметті жүзеге асырады.

Мәдени-инабаттылық қыздар институтының оқу-тәрбие бағдарламасына оқу материалдарын ұйымдастырудың модульдік қағидаты негіз болып отыр. Модульдер міндетті және қосымша сабақ болып бөлінеді. Бағдарлама барлығы 12 модульден және 45 пәннен тұрады. 1 тоқсанда 5-8 модуль бойынша сабақ өтеді.

Әр жастағы топ (8-9, 10-12, 13-15, 16-17 жас) белгілі бір модульдік  бағытта сабақ оқиды. Сабақ аптасына 3 рет өтеді.

Таратылған мәліметтерге қарағанда, аптасына бір рет барлық жастағы топтарға арналып танымал қайраткерлердің қатысуымен дәріс сабағы, шығармашылық кездесу, қайырымдылық шара, тақырыптық кеш секілді ортақ сабақтар ұйымдастырылады. Әр айдың соңында кешенді шығармашылық емтихан тапсырылады, сондай-ақ толық циклдің соңында қыздарға сертификат беріледі. 1 тоқсанда 300-ге дейін қыз бала оқиды. 

Айта кетейік, «Қазақ қызы» институтында 120 қыз оқыды, осы жылы 63 адам білім алуда.

Анар Тәңірқұлова лова

Суретке түсірген Азамат Әлиева