Е.Қарин: Әлемде лаңкестік шабуылдардың 60 пайызы 5 елге тиесілі

«Терроризммен күрес халықаралық күн тәртібінің басты мәселесіне айналуда. Өкінішке қарай, бүкіл әлемде террористік қауіп-қатерлер күшейіп отыр. Осыған орай барлық мемлекет ерік-жігер танытуға және ортақ қауіпке қарсы күш біріктіруге тиіс. 2014 жылы Әлемде террорлық шабуыл салдарынан құрбан болғандардың саны 2013 жылмен салыстырғанда 81 пайызға артқан. Атап айтқанда, лаңкестік ұйымдар 13 мыңға жуық шабуыл жасап, 30 мыңнан астам адамның қаза табуына себеп болды», - деді ол.

Сондай-ақ, ол ДАИШ содырлар ұйымының мемлекет емес, қылмыстық топ екенін атап өтті.

«ДАИШ ұйымы - мемлекет емес, қылмыстық топ. Әлемдегі теракті салдарынан қаза тапқандардың жартысынан астамына осы Боко Харам мен ИГИЛ (ДАИШ) жауапты. Олардың адамдары әлемнің әр елінде жүр. Мәселен, қазіргі таңда Сирия мен Ирак аумағында әлемнің 100 елінен келген 30 мыңға жуық содырлар соғысып отыр. Ал, Тунис, Сауд Арабиясы, Иордания мен Мароккодан кейін Сирия мен Ирак аумағында соғысып жатқан содырлардың көбісі Батыс Еуропа елдерінен шыққан», - деді Ерлан Қарин.