2016 жылы ШОБ-ті қолдау үшін 200 млн доллар көлемінде АДБ несиелік желісі тартылатын болады

«Ағымдағы жылы Халықаралық қаржы ұйымдарымен бірлескен 13 жоба жүзеге асырылуда, соған орай 2015 жылы қоса қаржыландыруға  8 млрд. теңге бөлінген болатын. Бұл ретте Ұлттық қорды басқару кеңесінің шешімімен бұған дейін бөлінген 39,2 млрд теңге қайта қаралып, 31,2 млрд теңге болып бөлінді. Сонымен қатар, Дүниежүзілік банкпен ағымдағы жылы қарыз туралы 3 келісімге қол қойылды. Соған байланысты шағын және орта кәсіпкерліктің бәсекеге қабілеттілігін арттыру жобасын Парламент ратификациялады, тағы екі жоба Мәжілістің қарауында жатыр», - деді Ерболат Досаев.

Министр атағандай, 2016 жылы Үкімет Дүниежүзілік банкпен әлеуметтік медициналық сақтандыруды енгізу және білім беру жүйесін жаңғырту бойынша 2 келісімшартқа қол қоймақ.

Оның айтуынша, бұдан  бөлек, 200 млн. доллар шамасында шағын және орта бизнес үшін несиелік желіні тарту қарастырылады.

 «Осыған ұқсас 15 жобаның құрылысы үшін құжаттар әзірлеу басталып кетті. Оларды қаржыландыру 2016 жылы күтіледі. Жалпы ЕҚДБ кредиттік желілері бойынша 2016 жылы 200 млн. доллар қаражат тартылады», - деді министр Е. Досаев. 

Индира Кауметова