Мемлекет басшысы «Болашақ» бағдарламасы түлектерінің форумына қатысады
«Шараға бағдарламаның 200-ден астам түлегі қатысады деп күтілуде. Онда «болашақтықтар» Мемлекет басшысымен емін-еркін кездеспек», - дейді «Халықаралық бағдарламалар орталығы» АҚ президенті Ғани Нығметов.
Оның айтуынша, форум қатысушылары бағдарлама тарихын еске алып, өздерінің көкейлеріндегі сұрақтарын қойып, сонымен қатар «Қазақстан-2050» Стратегиясының» орындалуына қалай үлес қосатындарын айтады.
«Бағдарлама Қазақстанның аяққа тұруына соның ішінде «Қазақстан-2030» стратегиясын іске асыруда көп үлес қосты.
2005 жылы Елбасы әлімнің бәсекеге барынша қабілетті 50 елінің қатарына ену туралы мақсатты қойғанда бағдарлама стипендиаттары саны 3 есеге дейін өсті.
Ендігі тапсырма алдыңғы қатарлы 30 елдің тізімінен орын алу. Осы орайда Стипендиаттарды Қазақстанның нақты экономика секторлары бойынша дайындау керек», - деп хабарлайды ақпарат агенттік.
